De Saleh Əli Əssəmadi şəhodəti mınosibəti İroni xarıci vəzarətxonə səbəsəlomtəti mesaj.

İroni xarıci vəzarətxonə sıxənəvot çı Yəməni siyasi ali şura rəis Saleh Əssəmadi şəhodəti bə Yəməni millət və ım şura uzvon səbəsəlomətəti votışe.

Bəhram Ğasımi zinə şəv bə Səudiyə rejimi təcavozi vədə bə Yəməni milləti 3 sornə ğəhrəmanə mığoviməti işorəş kardə və təkidış kardə: Yəməni millət rə ıştə ım mığoviməti nəticə bə vinden.

İroni sepah təşkilati sıxənəvot həm, de Səudiyə Ərəbistoni təcavozkaranə hərəkəton muhkəm karde Saleh Əssəmadi şəhodəti bə Yəməni millət, ərtış, mığovimətiyə qrupon və Ənsarullah ğıvvon aliyə lider təbrik və sə səlomtəti votışe.

Qeneral Rəməzan Şərif votışe: ım cinoyət sabitış kardə ki Yəməni məzlumə millət çı Səudion və çəvon şərikon cinoyəton xunsa bəkan və de ilahiyə koməki kamilən səbarz bəben.

Saleh Əssəmad iyən dəy bə i vo bıə 6 nəfər, dəvardə pencşambə ruji Səudi Ərəbistoni təyyarəon bə Yəməni Hodəydə ostani huccumi nəticə şəhid bıə.

Saleh Əssəmad miladi 2016-nə soriku Yəməni ali siyasi şura sədr be.