Sionist rejim bə Suriyə təcavuzış kardə.

Çı sionist rejimi zinə şəvi rəketiyə huccumi nəticəku 2 nəfər ğeyri hərbi Dəməşği ətrofədə kıştə bıən.

Bə Sana raporti əsos həminə huccumədə Dəməşğ- Dəra xiyoboni Əleksorə məntəğə nezi 2 nəfər əcumlə i qılə jen kıştə bıən.

Suriyə Ələxbariyə kanal həm elanış kardə ki ım kişvəri rəketiyə mudafiə sistem muvəffəğ be 2 qılə çı sionist rejimi ğandə rəketon məhv bıkə və hədəf ğəror bıdə. Im kanal həminə hadisəku filmon həm muntəşir kardə.

Suriyədə terroristiyə qrupon məğlubiyyəti bəpeştə sionist rejim ım kişvərədə tojə noəmnion icod kardero ijən çı Suriyə ərtış və dıvləti məsələn zəif karde çərçivədə jıqo bə Suriyə təcavoz kardə.