Tırkiyədə anti İsrail aksiyaon.

İstanbulədə şəhrvandon anti İsrail aksiyaon bərpo kardən.

Bə İrib raporti əsos çand sa nəfər çı Tırkiyə şəhrvandon bə Tırkiyə Mavi Mərmərə nomo bıə imdodiyəqi sionist rejimi xoninə huccumi 8-nə sorqardışi xoto anti İsrail etıroz aksiyaon bərpo iyən İsrail mardə bıbu şuari vanq kardən.

Etıroz əkəyon təkid kardən ki ım cinoyəti çı yodo be ni bəkan iyən hezo Fələstin məzlumə milləti kənoədə bə manden.

2010-nə soriMayə manqi 31 sionist rejimi hərbion xoninə huccumi cərəyonədə çı Tırkiyə Mavi Mərmərə nomo bıə imdodiyəqiədə bıə 9 nəfər Tırkə homanist şəxson kıştə bıən i nəfər zəxmin be ki əv həm zəxmon şiddəti xoto 3 sor bəpeştə marde.

Im qomi çı Ğəzzə tankə mıhosirə arşiyə və bə Fələstinıjon komək karde xoto bə işğaliyə sərzəmin şe məğsədış be.

Ğəzzə sakinon Marti 30 ku həmzəmon de Zəmin Ruji sorqardış Ğəzzə və işğaliyə sərzəminon marziyə məntəğədə Oqardey Həxi aksiya bərpo kardən ki ım aksiyaədə ta ım zəmon 120 qılə Fələstinıj şəhid və çand həzo nəfər zəxmin bıən.

Mıborək rujə manqi oxonə cımə ruj Ğuds beynəlxalğiyə ruj qeyd bıə.