Nasir Əbuşərif: sionist rejimi məhv bey neze.
Tehronədə Fələstin islamiyə cəhad təşkilati nımoyəndə votışe: Fələstin mığovimətiyə cərəyanon ımruj kamilən de sionist rejim mubarizə barde holədən və de İlahiyə koməki ım rejimi məhv bey nez bəy.
Bə Mehr aqentiyəti reporti əsos Tehronədə Fələstini himoyə əkəyon nomo bıə iclosədə Naser Əboşərif Fələstinıjon bə şərifə Ğudsi oqarde qıləy ilahiyə vədə zınəş be və əlovəş kardə: təəsuf ıme ki bəzi mısılmonə ğərbiyə kişvəron ojə-oşkor de sionist rejim əloğəon icod kardən iyən ım rejimi cinoyətonədə şərik bıən.
Tehronədə Fələstin islamiyə cəhad təşkilati nımoyəndə təsdiğ kardə: bo işğal bıə sərzəminon ozod kardero Ərəb liqa və ya İ Bıə Millətonku hiç intizor və omid ni ijən muzakirə həm be foydəy çom çiku fəğət moğavimət karde bəzne sionist rejimi cinoyət və işğal əkə hərəkəton vədə mane bıbu.
Ğəzzə sakinon Marti 30 ku həmzəmon de Zəmin Ruji sorqardış Ğəzzə və işğaliyə sərzəminon marziyə məntəğədə Oqardey Həxi aksiya bərpo kardən ki ım aksiyaədə ta ım zəmon 120 qılə Fələstinıj şəhid və çand həzo nəfər zəxmin bıən.
Mıborək rujə manqi oxonə cımə ruj Ğuds beynəlxalğiyə ruj qeyd bıə.
