Xəlil Əl-Həyyə çı HƏMAS-i Siyosi Buro rəhbər be

Pars Tudey-Fələstini İslomi Mığovimət Hərəkot HƏMAS Xəlil Əl-Həyyəş bənə çın hərəkoti siyosi buro rəhbəriş təğdım kardə.

Pars Tudey bə İroni Tele-Rədyo Mərkəzi istinodən doə məlumoti əsos,Xəlil Əl-Həyyə bə Xalid Məşəli 34 sədo ələyh de 35 sədo çe HƏMAS-i siyosi dəftəri nuyə rəhbər vıjniyə bıə. HƏMAS-i veteranə lider Xəlil Əl-Həyyə 1960-ə sori Ğəzzə şəhrədə moəku bıə.Əv,1987-ə sori təsis kardey bədiqə çın hərəkoti iminə uzvonku qıləyni bıə və Ğəzzə :İslomi Unverstetədə,İordaniya Unverstetədə və Kərimə-Ğıron və İslomi Elmon Unverstetədə təhsilış seyə. Əl-Həyyə 2006-ə soriku jıqoşə Fələstini Ğanunnoə Şurədə çe Ğəzzə şəhri nımoyəndəy və oxonə soronədə çı HƏMAS-i siyosi buro mıovin və çın hərəkoti Ğəzzə tanqədə siyosi buro rəhbəri vəzifəonədə koş kardə.əv,həmçinin otəşvəs və əsiron mıbodilə mızokirəonədə bə HƏMAS-mızokirə qrupi rəhbərətiş kardə və bənə Ğətər və Misir vositəçiyon mızokirəonədə çe HƏMAS-i əsosə fiquronku qıləyni bə hisob omeydəbe.