Burucerdi: sionist rejimi məhv bey proses bino bıə.
İroni islamiyə şura məclesi xarıci siyasət və milli əmniyyət kamissiya rəis votışe: hətto Amerkə himoyəon jentonədə həm məntəğədə sionist rejimi məhv bey proses bino bıə və ım rejim həlok bey holədəy.
Bə Mehr aqentiyəti raporti əsos Əlaeddin Burucerdi zinə şəv bə İroni islamiyə inğilabi təlimon sayədə bıə Livan və Fələstinədə milləti mığovimət işorəş karde və əlovəş ka: momenə cıvonon Ğəzzə və Fələstinədə muvəffəğ bıən sionist silohinə rejimi məğlub bekən və ım mıvzo Hezbullah və mığovimət cəhbə ğalibədə islam dini zumandəti nışonəy.
Əv bə məntəğədə Amerkə muxtəlifə cinoyəton işorəş karde və votışe: Amerkə ki məsələn insonə həxi iddioə ki detosə bə ısət məntəğədə vey cinoyəton mırtəkib bıə ki bə bəşəriyəti xiyonət karde mənodəy.
Burucerdi bə İroni əleyh Amerkə sanksiyaon işorə və təsdiğ kardeşe: haşt sornə muğəddəsə mudafiə cərəyonədə deşmənon muğabilədə mığovimət kardə millət ijən vey rohət tojə fişaron vədə bə mande.
Əv bə ım nuktə işorəş karde ki bə daxıliyə zərfiyəti əsos hərəkət karde sayədə deşmən İroni bə təzyiğ noə ni bəzne ijən votışe: İroni millət bənə dəvardə yon sanksiyaonku bənə fırsət istifodə bəkan.
