Yəmənı mudafiyə vəzir:ğərbiyə sahil təcavuzkaron ğəvıston bəbe.
Yəmənı mudafiyə vəzir zinə şanqo işarəş karde ım məmləkəti ğərbiyə sahil təcavuzkaron ğəvıston bəbe.
Bə İRNA xəbon əsosi sərləşkər Muhəmməd Nasir Əlatefi votışe:təcavuzkaron bı nezonədə çəşnikardə hadisonədə dim bə dim bəben.
yəmənı mudafiyə vəzir yəmənı milləti vədə Ərəbıston ,İ bə ərəbon əmirəti və çəvon şərikon zılmkarə rəftoron vədə çəşnaviş do və votışe:deşmen karde zındə ni yəmənıjə ğıvvon muğaviməti təziği jiyo oqəte.
sərləşkər Muhəmməd Nasir Əlatefi əlavəş karde yəmən eyneholədə muğavim və ozod bəmande.
Səudiyyə təcavuzkarə koalisiya 4 şanbə iyoni 13 minnə rujiku yəmənı ğərb Əlhodəydə porti işğal kardeyu yolə hucumonış təşkil kardə.
Əlhodəydə port insondustə koməkon bə yəmən vığandeyu əsosə ro bə hisob omedə.
yəmənı silahlinə ğıvvon iyən mubarizəəkon dəvardə rujonədə muvəfəğ bən Əlhodəydə portədə çandə 100 nəfər səudiyə və İ bə ərəbon əmirəti hərbionku bə həlokət bırosnon.
