Yəməni hərbi ğıvvon ijən bə Səudiyə mızdoron həmlə kardeşone.
Yəməni ərtış rəketiyə qurup və dovtələb komitəon de rəketi bə Yəmənədə bıə Səudiyə mızdoron bazaon hucum kardeşone.
Bə Yəməni Əlməsirə xəbəiyə kanali raporti əsos, Yəməni ərtış rəketiyə qurup və muğavimət komitəon zinə qıləy kıto məsofə balıstik rəketi ğande vositə bə Yəməni mərkəz Əlbeyza ostani Əlcəribat məntəğədə bıə Səudiyə mızdoron cəm bıə vırə həmlə kardeşone.
Im rəketiyə həmlə ehtımoliyə tələfot raport bə ni.
Yəməni ərtış rəketiyə qurup və muğavimət komitəon çimiku bənav həm bə Əlbeyza ostani Əlcəribatədə bıə Səudiyə mızduron bazəon həmlə kardəşon bıən ki həmonə hucumədə çandə hərbi maşinon məhv be.
Yəməni ərtış karde zınəşe təcavuzkoron həmləon mıddətədə məxsusə silohon ıstihsol bıkə iyən bə hərbi təcrubəon vey zumandə mərhələ bırəsi.
Im həğiğət ısət balıstik rəket sistemon istihsol, zıne və hucuməkə bepilotə təyyorəon soxte ijən arsenal və həvə mudafiə sistemi inkişof doe sahədə muşahidə bıdə.
Ərəbiston və İ Bıə Ərəbə Əmirəti, de Amerkə, sionist rejim iyən bəzi co mıttəhıdon 2015-nə sori Martiku bə Yəmən hərbi təcovuzi bino ijən ım kişvəri zəmin, osmon və dıyoku mıhosirə kardəşone.
Yəmənədə Ərəbiston, İ Bıə Ərəbon Əmirəti və de əvon mıttəhid bıə məmləkəton cinoyəton xoto detosə bə ısət 14 həzo nəfəriku vey Yəmənij kıştə, çand 10 həzo nəfər zəxmin və çand milyon avarə bıən.
