Yəmənədə Ərəbiston və İ Bıə Ərəbə Əmirəti oşkoə məğlubiyət.

Beynəl xalğ sahədə İroni islamiyə şura məclesi rəisi məslehətçi votışe: Bə Yəmənıjə şoqirdon avtobusi həmlə karde Yəmənədə Ərəbiston və İ Bıə Ərəbə Əmirəti oşkoə məğlubiyəti nışonəy.

Hussein Əmir Əbdullahiyan təsdiğış karde: irbohimiyə həcci mərosimon Astanədə İ Bıə Ərəbə Əmirəti və Ərəbiston Yəməni sədədə hırdənon ğətliam kardeşone.

Beynəl xalğ sahədə İroni islamiyə şura məclesi məslehətçi ıştə Tvitter mesaji dəvomədə ğeydış karde: ım 2 qılə təcavuzkorə kişvər ijən Ğəzzə tanqədə məzlumə mısılmonon ğətliami barədə deştə sukuti əmələn de sionist işğaləkə rejim ıştə i be sobot kardışone.

Pəynə, Yəməni şimal Zəhyan şəhrədə bə qıləy şoqirdə hırdənon avtobusi Səudiyə təcavozkaron həmlə nəticəku, 50 nəfəriku vey ğeyri hərbi şəhrvənd şəhid və bə 80 nəfər nezi zəxmin bıən ki veyni hırdənonku iborətin.

Ərəbiston de İ Bıə Ərəbon Əmirəti, Amerkə və sionist rejim iyən bəzi co mıttəhıdon 2015-nə sori Martiku bə Yəmən hərbi təcovuzi bino ijən ım kişvəri çı zəmin, osmon və dınyoku mıhosirə kardəşone