Yəmənı ğərb hissədə bə səudiyə muzdoron mərkəz rəketi ğande.

Yəmənı silahlinə ğıvvon və mubarizəəkon rəketinə dastə zinə şanqo yəmənı ğərbiyə sahelədə bə səudiyə muzdoron tərəf qıləy balestikə rəketışon ğande.

Bə Fars aqentəti xəbon əsosi yəmənı silahlinə ğıvvon və mubarizə əkon rəketinə dastə elanış ka ım rəketinə hucumədə səudiyə ərəbıstonı muzdoronku çandə 10 nəfər bə həlokət rəsən və ya yarəjə bən.

yəmənı mudafiyə vəzir sərləşkər Muhəmməd Nasir Əlatefi işarəş kardə be ım məmləkəti ğərbiyə sahil təcavuzkaron ğəvıston bəbe.

səudiyə təcavuzkarə koalisiya iyoni 13 minnə rujiku yəmənı ğərb Əlhodəydə porti  işğal kardeyu yolə hucumonış təşkil kardə.

Əlhodəydə port ,bə Yəmən insondustə koməkon vığandeyu həmməysə muhimə ro bə hisob omedə.

yəmənıjon dəvardə haftəonədə muvəfəğ bən Əlhodəydə portədə çandə sa qılə səudi iyən ibəərəbon əmirəti hərbionku bə həlokət bırosnon.