İron və Suriyə miyono bo iğtisodi həmkarion tojə muğavilə imzo bəbe.

İroni ro iyən şəhr dute vəziri ehtiyaton mudiriyətəkə və planon muavin votışe: İron və Suriyə miyono iğtisodi dıroz mıddətə stratejik muğavilə hozzo bəy və bı nezonədə 2 qılə kişvəri ali rəsmi şəxson tərəfo imzo bəbe. 

Bə İrna raporti əsos Əmir Əmini iğtisodi heyət və Suriyə rəsmi şəxson tojə iclosi kənoədə çı Suriyə infrastoroktoron ijən obod karde həminə sazışi i baxş elanış karde və votışe: Suriyəd obodonəkə planon qədə qədə bino bıə ki İroni ğeyri dıvləti şirkəton deştə ğabliyəti və zumandə təcrobəon karde bəznen vey komək bıkon. 

İroni ro iyən şəhr dute vəziri ehtiyaton modiriyətəkə və planon muavin təsdiğış karde: muğavilədə co baxş, valiyuta mıbodiləon be ki çəy nəticə xarıci valiyutaon əvəzi 2 qılə kişvəri milli pulonku istifodə karde heste.

Im iclos çı İroni vığande bıə iğtisodi heyət və Suriyə iğtisod vəziri miyono dəvarde haftə Dəmeşğədə bərpo be.