De Ğıbonə İdi mınosibəti təbrik.

Imruj 4 şambə, hicri ğəməri 1439-nə sori zilhiccə manqi 10, miladi 2018-nə sori Avqusti 22 de mıslmonon vey yolə idonku qıləyni Ğıbonə İdi bərobəre.

Ğıbonə idədə bə Xıdo kə ziyorət şıə hocion de Xıdovəndi əmri və çəy rizoyəti xoto ğıboni iyən Həzrəte İbrahim(ə)-i xatirə bəji kardən və əy əziz qətedən.

Xıdovənde xalığ bo Həzrəte İbrahim(ə)-i imon və ixlosi imtivon karde, bəy məmuriyətış do ki xıdo roədə ıştə zoə Həzrəte İsmail(ə)-i ğıboni bıkə.

Həzrəte İbrahim(ə) ım ko saxt bey kənoədə İlahiyə əmri ğəbullş karde və bo ım məmuriyəti icra karde hozzı be əmmo har çəxtə cəhdış karde çəxo çəy zoə hırdən Həzrəte İsmail(ə)-i qi nıbırişe.

Eyni-holədə bə Həzrəte İbrahim(ə) xətob be: "tı İlahiyə imtivonədə səbarz biş" peşo qıləy pəs vığandə bəy ta İbrohim(ə) əvış çı həzrət İsmail(ə)-i əvəzi ğıboni bıkə.

Im ibrətinə macəra nəticə, fidokorəti, bə nəfsaniyə həvson ğələbə karde, iyən xıdovəndi əmri vədə təslim bey heste, çumçiku dınyo mıslmonon həm zilhiccə manqi 10, bənə qıləy yol iyən islami əzəmətinə idi əziz qətedən və çəyku ixlos iyən bandəçiyəti dərsi omotedən.

İroni Tolışi Rədio tərəfo İjən Ğıbonə İdi mınosibəti bə dınyo həmmə mıslmonon, məxsusən şımə tolışə həmzıvonon təbrik voteydəmon.