Səudiyə koalisiya həvoiyə hucumədə yəmənı 3 qılə ğeyre hərbi şəhid bedən.
Aug 23, 2018 07:48 Asia/Tehran
Səudiyə koalisiya həvoiyə hucumədə bə yəmənı şimal ğərb Həccə ostan 3 nəfər ğeyre hərbi şəhid və xəylion həm yarəjə bedən.
Bə Əlməsirəh xəbəriyə kanali nəğli əsosi İRNA xəbəş do Səudiyə ərəbıstoni hərbiyə təyarəon 4 şanbə ruji Həccə ostani Əbəs nomo bıə şəhrestani bombardımon kardən ki nəticədə 3 nəfər hərbi şəhid və çandə nəfər həm yarəjə bedən.
ım hucumədə Əbəs şəhrestanədə yəmənı qıləy təyofə rəisi kə hədəf qətə bedə.
avqosti 19 minnə ruji Səudiyə rejimi hərbiyə təyarəon hucumədə bə yəmənı moyəqətə lotkəon ki ım məmləkəti ğərbiyə sahelədə təşkil bedə 13 nəfər yəmənıj şəhid və 8 nəfər həm yarəjə bedən.