Səudiyə rejimi bə yəmənı Sədə zid rəketin iyən artileriya hucumon.

Səudiyə rejim zinə şanqo de rəket və artileriya bə yəmənı şimal Sədə ostani Şeda nomo bıə məntəğə hucumışon barde.

Bə İRNA xəbon əsosi ım hucumədə qıləy yəmənıj şəhid və co nəfər həm yarəjə bedə.

Ərəbıston 3 şanbə sıb həm de artileriya bə Sədə ostani Menbəh nomo bıə şəhri hucu bardəş be.

Ərəbıston de İ bə ərəbon əmirəti ,Amerkə və çanqılə məmləkət 2015 minnə sori martə manqiku bə Yəmən hərbiyə hucumış barde və ım məmləkətış zəmin, deyo və həvoko muhasirəş karde.

Bə yəmənı zid Ərəbıston və çəy şərikon təşkil doə canq desbə ısət bə 14 həzo nəfəri şəhodət,çandə 10 həzo nəfəri yarəjə be və çandə milyon yəmənıjı avərəti bois bə.

Ərəbıstonı hərbiyə təcavuz eyne holədə yəmənı fəğırə məmləkətış xurək və dəmoni cəhətonədə de şiddətinə bıhron dim bə dimış kardə.

Səudiyə rejim və çəy şərikon yəmənı milləti muğaviməti xoto desbə ısət ım məmləkətdə bəştə hədəf ki qıləy vabəstə bə hukuməti təşkil kardeye rəsə nin.