Ərbəin nomo bıə məxsusə plan İraği Həşdu-Şəbi tərəfo icro bəbe.

İraği Həşdu-Şəbi təşkilati mərkəziyə əməliyati çı mudiriyətəkə şura ımsorədə bo Ərbəin ziyorəti əmniyyəti təmin karde bə məxsusə pelani hozı və icra təkidış kardə.

Bə İrna raporti əsos, İraği Həşdu-Şəbi zinə bəyoniyə vositə elanış kardə: mərkəziyə əmniyyəti mudiriyətəkə və Miyonə Forati əməliyoti mehvəri mıştərəkə iclosədə, mıəyyən bıə ki İraği Həşdu-Şəbi hərbion huzur Bəğdadi dərvozəku ta "Curfu-Nəsr" və "Əliskəndəriyə"ku ta"Əl-Rəfi" ijən de tosə "Ələnbar" ostani nezi "Əl-Rəhaliyə" məntəğəon hevuj bıbu.

Bə ım raporti əsos, Həşdu-Şəbi ım iclosədə de işorə bə ım ğıvvə əhotə co məntəğəonədə, bə 600 kilometri səth Ərbəini milyoniyə ziyorəti bərpo bey cərəyonədə əmniyyətiyə tədbiron dəvoniye ijən de peşt bastey bə əmniyyəti və informasiyə cəhdon co problemon həl karde təkid be.

İrağ 2017-nə sor, Ərbəinədə bə 13.5 milyon İrağiyə zair və co kişvəronku, əcumlə hıdudən 2.5 milyon İronıjə zairon huzuri şohid be.

Hicri Ğəməri 1440-nə sori Səfərə manqi 20 minə ruj, yəni Miladi 2018-nə sori Oktiyabri 30 çı İmom Huseyn(ə) və çəy bəfodorə yaron şəhodəti Ərbəin ğeyd bıə.

Hər sor çand milyon mısılmon ım rujədə və bo Ərbəin Huseyni(ə) əzodorti mərasimonədə iştirok karder bə İraği cənubədə bıə "Kərbəlo" şəhri səfər bəkan.