Be insoniyə tələfot Edleb bəpe bə Suriyə dıvlət oqordoniye bıbu.
Siyosi məxsusə koonədə İroni xarıci vəziri ali mışovir be insoniyə tələfot Edlebi bə Suriyə dıvlət oqordoniye barədə İron, Tırkiyə və Rusiyə həmkarionku xəbəş do.
Bə İrna raporti əsos Husseyn Caberi Ənsari umidvar be de ım 3 tərəfiyə həmkari və cəhdon və vositə Suriyə Edleb şəhri kontrol bə Suriyə ğanuniyə dıvlət oqordoniyə bıbu.
Caberi Ənsari ki Suriyə və Yəməni barədə muzakirə karde xoto bə Moskva səfərış karde çı Yəməni bıhrani həm votışe: de Rusiyə ali rəsmi heyəton muzakirə karde Yəməni bıhran və insoniyə faciə vəy qətəro bə cəhdimon.
Terroristiyə qrupon dəvardə 2 sori mıddətədə Suriyə muğavimət qrup və ərtışi vədə məğlubiyəton bəpeştə muğavilə çərçivədə bə Edleb ostan ovoştoniyə bıən.
Tojədən İroni islamiyə şura məclesi rəisi məslehətçi Husseyn Əmir Əbdullahiyan bə Suriyə dıvlət və millətiku İroni himoyəon dəvom işorəş karde və votışe: deşmənon vədə Suriyə milləti vəhdət ısət ım kişvəri ərazi təmamiyti oqəte bois bıə.
