Yəmənı xarici koon vəzir:Səna səvet hukumətiku rəketış hıriyə ne irono.
Yəmənı milliyə nicat devləti xarici koon vəzir Heşam Şərəf Əbdulla,Amerkə pesoxtə bə iddaonış rəd karde və votışe: çəy məmləkət İroniku silahış sə ni və Yəmən balestik rəketonış çandə sor çimi bə nav səvet hukumətikuş sə be.
Bə İRNA xəbon əsosi Yəmənı milliyə nicat devləti xarici koon vəzir de CNN kanali votımonədə İroni,yəmənı koonədə dəxalət karde cəhətdə İ bə milləton təşkilatdə Amerkə bə kəno mandə nımayəndə Niki Heyli iddaon həxədə votışe:Yəmən ım rəketonış çandə mıddət çimi bə nav orosonku hıriyəşe və əvonış inkişaf doə be ta ıştəku mudafiyə bıkə.
Yəmənı milli nicat devləti xarici koon vəziri votışe:ironıjon heç qılə rəketışon bə Yəmən doə ni və Səna bəzi rəketonış heste ki karde bəzne də çəvon vositə çandə soron de Ale səud rejimi canq karde.
