Bəşar Əsədi mışovir: Amerkə Suriyəku fərorış karde.
Suriyə prezidenti mediya və siyasi mışovir Suriyəku Amerkə hərbion xarıc bey barədə təkidış kardə: Amerkə Suriyəku fərorış karde boçi ki əmə muğavimət kardemone.
Mehr aqentiyəti Əlnəşrə nəğliku Suriyə prezidenti mediya və siyosi mışovir Bosine Şəban votışe: həmmə təhlil-xəbəon ki fərorəkə ğıvvə çı ğudrət vəzyətədə ğəror doe cəhətdəy qıləy əks təhlile.
Əv əlovəş do: kalion cəhd kardən ki məğlub bıə tərəfi ğudrət-əzəməti ki ğeyri ğanuniyə hərəkətonku fərorış karde hifz bıkan ijən ciqə-hınəşon ni bə ım fərof və məğlubiyəti əsli amil işorə bıkən.
Çand sa çı Amerkəhərbi təcizaton vırə bə vırə əkə kamazon dəvardə pencşəmbə ruji Suriyə kırdon demokratik ittifoğ partiya hakımiyəti jentonədə bıə məntəğəonku bə İraği marzədə bıə Simalka sərhədi tərəf hərəkət kardeşone.
Amerkə prezident Donald Tramp Dekabri 19 iyən 7 sori bəpeştə Suriyə ğanuniyə dıvləti məhv kardeyədə terroriston zəifətion oşko bey bəpeştə elanış kardə, Amerkə hərbi ğıvvon rə Suriyəku xarıc bəben.
Amerkə ğeyri ğanuni de terroristiyə qrupon mubarizə barde bəhonə Suriyədə hərbi huzurış be.
De terrorizmi mubarizə barde bəhonə Suriyədə Vaşenqtoni Im ğeyri ğanuni huzur qıle holədəy ki Tramp ıştə prezidenti binoədə təsdiğ kardə be Suriyədə bıə terroristiyə qrupon əcumlə DAEŞ-i icodəkə əsliyə amili Vaşenqtone.
