Asiya Ğərb kişvəron miyono hevujə muzakirəon lozime. 

İroni Milli Əmniyyət ali şura sərkatib Əli Şəmxani votışe: Asiya Ğərb kişvəron miyono hevujə muzakirəon nıbey deşmənon sui-istifodəon bois bıə. 

Əli Şəmxani Tehronədə bıə asiya ğərb əmniyyət və mudafiə beynəl xalğiyə iclosədə təkidış kadde: məntəğədə bıhranon kam karde de xarıci silohon hıryə və anbo karde vəy qəte, mıştərək əloğəon iyən de terrorizm mubarizə barədə lozimə strateqiyaon vıjniyə vositə əncom bəbe. 

Şəmxani asiya ğərb məntəğədə siyasi, iğtisodi, mədəni iyən kibri əloğə inkişofi çı ozavziyə muğəddəmə zınəş be və votışe: əqə mədəniyət və iğtisod zumand bıbu Təkfiri cərəyanon çərçivədə cıvononku sui-istifodə karde məhdod bəbe: əv bə namə canqi əhəmmiyət həm təkidış karde. 

İroni milli mudafiə açi unniversiti rəis qeneral Əhməd Vəhidi həm həminə iclosədə bə asiya ğərb məntəğədə bıhranon işğal, təcavoz və terrorizmi vasitə işorəş karde və votışe: ısət terroriston Əfğanıston və mərkəzi asiyadə vırə qəte holədən. 

Əv Suriyəku Amerkə hərbion xarıc bey çı Amerkə məğlubiyyəti nışonə zınəş be iyən Suriyə, İrağ, Yəmən və Əfğanıstoni siyasi vəzyəti bə çok bey tərəf təhlilış karde. 

Qeneral Vəhidi təkidış ka: ımruj bə mığovimət mehvəri tərəf meyl vey ziyod bıə. 

Asiya ğərb əmniyyət və mudafiə beynəl xalğ iclos ımruj de asiya və Avropa iyən məntəğə rəsmi şəxson iştirok Tehronədə bino bıə. 

​​​​