Zərif: İron çı Kırdon xatircəmə duste.

Muhəmməd Cəvad Zərif İraği Kırdıston məntəğəku bə Nəcəf Əşrəf şe; İroni xarıci vəzir ımruj Kərbəloədə İron və İraği miyono iğtisodi əloğəon iclosədə sohbət bəkay.

Bə İrna raporti əsos Zərif zinə Soleymaniyədə de İraği Kırdıston vətən i bemoni rəis Kısvət Rəsol vindemon karde bə İron Kırdon miyono əloğəon inkişof təkidış ka.

Əv bə Cəlal Talebani muhimmə rol İrağ və Kırdıstonədə vəhdəti icod karde işorəş karde və ıştə sohbətonədə bə Suriyə ısətnə vəzyəti de siyasi roon həl karde təkidış kardışe.

İroni xarıci vəzir Soleymaniyədə de muxtəlifə Kırdə rəsmi şəxson vindemonış karde.

İraği Kırdıston məntəğədə Ağaye Zərif İron və İraği Kırdıston məntəğə miyono ticari əloğədə sanksiyaon be təsir zınəş be iyən votışe: bo əloğəon inkişof doero çoknə muzakirəon 2 tərəfon miyono əncom bıə.

İroni xarıci vəzir ijən de Kırdıstoni məntəğədemokratik partiya yol Məsod Barezani iyən i-minə vəzir Nəçirvan Barezani vindemon və muxtəlif mıvzoon barədə muzakirəş karde.

İraği Kırdıston məntəğə yolon, İron iyən İraği Kırdıstoni miyono həmkarion miğdori çok hisob kardışone.

Barezani bə Kırdon İŞİD terrorçiyə qrupi həmlə karde zəmonədə İroni muhimmə komək iyən rol Kırdonku himoyədorəti karde işorəş ka və votışe: İraği Kırdon hiç vaxt ım koməki çı yodo be ni bəkan.

Erbilədə həm iğtisodi iclosədə Zərif təkidış karde ki İron və İraği miyono anədə zərfiyyəton bo 2 tərəfi əloğəon inkişof doero hestin ki bəpe çəvonku istifodə kəmon.

İroni xarıci vəzir yekşəmbə ruji de İraği rəsmi şəxson vindemon karde iyən Bəğdad, Soleymaniyə və Kərbəloədə 2 qılə kişvəri xusosi baxşon iğtisodiyə fəalon ticari 3 minə iclosədə iştirok karde xoto bə ım kişvər səfərış karde.

Zərif ğərore ki ım 4 rujiyə səfərədə de İraği prezident "Bərhəm Saleh", iyən i-nə vəzir "Adel Əbdul Məhdi" və çı parlemanti rəis "Muhəmməd Əlhəblosi" vindemon və sohbətış ka.