Yəmənı Əlmohrə nomo bıə hərbiyə mərkəzo Səudiyə hərbion bə domo nışte.

Ərəbıstoni hərbiyə ğıvvon yəmənı cənub Əlmohrə ostani Əlhof məntəğədə ıştə hərbiyə mərkəziku bə domo okıriyən.

Bə Fars aqentəti ımrujnə xəbon əsosi səudiyə hərbion bə domo nışte çəy bəpeştə təşkil bə ki Əlmohrə ostanədə sakin bə yəmənıjə şəhrvandon 2018 minnə sori aprelə manqiku de xariciyə ğıvvon huzuri muxalifətışon kardə və de etirazinə hərəkəton təcavuzkarə işğalqəron xaric beşon tələb kardə .

co tərəfədə yəmənı silahlinə ğıvvon və Ənsarullah muvəfəğ bən ərəbıstonı Əlmədafen və cizanədə səudiyə hərbionku 8 nəfəri bə həlokət bırosnon.

Yəmənı ğərb Həccə ostani Midi səhraədə səudiyə hərbiyə ğıvvon maşini roədə tıpniyə bombaon nəticədə Səudiyə hərbionku 2 nəfər kıştə və 1 nəfər həm yarəjə bedə.