Ğərb mediaon vədə İron və Rusiyə miyono həmkarion hevuj bəbe.

İroni telerədio təşkilati marzi xaric şobə muavin de Raşatudey kanali yol vindemon karde İron və Rusiyə miyono əloğəon ğərb mediaon vədə təsirinə ko hisobış karde.

Bə İrib raporti əsos Peyman Cebeli votışe: Raşatodi iyən Pres Tv iyən İroni Telerədio təşkilati marzi xaric şobəon miyono əloğəon çokin; əmmo bəpe muxtəlif baxşon əcumlə təcrubə vırə və vırə karde, təchizat iyən təlim baxşədə həmkarion bə inkişof berəsi.

İroni telerədio təşkilati marzi xaric şobə muavin bənə Afkam bə mediyaon nəzorətəkə təşkilaton 2 curnə standardiku tənğidış karde və votışe: jıqonə 2 dimə rəftoron İroni Pres Tv iyən anti İron kanalon əcumlə İron internaşenal kanali barədə oşko moşahidə bıə.

Cebeli bə İroni Telerədio təşkilati marzi xaric şobə kanalon sosiyal şəbəkəon bastə xusosi Twitter iyən Feysboki  bastə işorəş ka və votışe: bə çəy xoto ki bə Rusiyə mediyaon əleyh bənə jıqonə hərəkəton vədə mediya həmkarion zumand bıkən.

Rusiyə Raşatodi kanali yol Əleksi Nikolof həm ım vindemonədə təkidış karde: ğərbiyə kişvəron vey çok ozodə bəyon mediya barədə şuar dodən əmmo əmələdə deştə zu-ğudrəti muxalif iyən mıstəğil sədoon məhv kardedən.