Amerkə xarıci vəzir məxfiyə səfər; İrağədə Mayk Pompeo vindemon.

Amerkə xarıci vəzir Mayk Pompeo elan nıbıə səfərədə məxfiyanə bə İrağ varid be.

Bə İrna raporti əsos Pompeo bə Bəğdad varid bey bəpeştə de İraği i minə vəzir Adel Əbdul Məhdi iyən İraği xarıci vəzir Muhəmməd Əli Əlhəkim vindemon və votımonış karde.

Im çand saətiyə səfəri mıddətədə jıqo ki İraği xarıci vəzir elanış karde 2 tərəf əloğəon, məntəğə və de terrorizm mubarizə barde bərədə muzakirəşon karde.

Və hol ım ki Amerkə xarıci vəzir təyarədə iyən Amerkəvıjə jurnaliston cəmədə iddioş karde ki ım səfəri məğsəd iyən hədəf məntəğədə İroni fəaliyəton ziyod bey iyən de İron bıə mıvcudə bıhranon be.

Mayk Pompeo iddioş karde ki əmə çı İraği hakımiyəti oqəte fikədəmon.

Amerkə xarıci vəzir jıqo çəş nıkarde bə İrağ səfər karde bə Almaniya səfəri ləğv bey bəpeştə əncom be.