Yəmənədə Ərəbistoni muzduron məğlubiyət dəvom kardedə.
Yəməni Şimolədə çandə çı Ərəbistoni muzdurun həlok bıən.
Bə Əlaləm kanali raporti əsos Yəməni ərtış və muğavimət qrupon tojə əməliyotədə ım kişvəri Şimol Əlcof ostanədə Cəbəl Səbrin stratejik məntəğə təcavuzkaron dastiku ozod be.
7 qılə balıstik rəket həm Yəməniku bə Ərəbistoni cənub Əsir ostanədə bıə hərbi bazaon tərəf ğandə bıə: həminə əməliyotədə həm çandə çı Ərəbistoni koalisiya hərbion həlok bin.
Xəbəon jıqo hikayət kardedə ki Ərəbistoni muzduron 10 saəti mıddətədə bıə həmləon Ərəbistoni cənubədə de Yəməni muğavimət qrupon zumandə reaksiya əmələn məğlob bıə.
Ərəbistoni qıləy bepilotə cəsusə təyyarə həm Cizanədə məhv be.
Tojədən Ərəbistoni Cizanədə Yəməni hərbi bazaonku diyə karde cərəyonədə Yəməni silohinə ğıvvon sıxənəvot Yəhya Sərie bə Ərəbiston qıvoninə xəsorət iyən tələfot işorəş karde və votışe: 5 sori mıddətədə anədə məğlobiyət və sə ni? Umumi ozv fırsətiku istifodə kənən.
Yəməniku xəbə ome ki Ədənədə İ Bıə Ərəb Əmiron vabəstə bıə nimə hərbion tojə əməliyoti bəpeştə məvoji Yəməni istifodə doe dıvləti xarıci vəzarətxonə elanış karde ki İ Bıə Ərəb Əmiron bəpe ıştə hərbion ım şəhriku xaric bıkə.
Ğətəri xarıci vəzarətxonə həm Ədənədə bıə daveon rə bə oxo rəse tələbış karde.
