İron və Suriyə miyono həmkarion inkişof.

İroni ro iyən şəhr soxte vəzir zinə şəv Suriyə i minə vəziri vindemon və 2 qılə kişvəri miyono əloğəon barədə muzakirəş karde.

Bə İrna raporti əsos, Muhəmməd İslami və Emad Xəmis iğtisadi həmkarion inkişof, imzo bıə muğaviləon vədə maneon peqəte, iğtisadi əloğəon tale, ğeyri dıvləti şirkəton miyono rabitəonədə ticarət palataon rol və Suriyə ədə əv bedonədə fəaliyəton barədə sohbət kardəşone.

Çımiku bənav İroniro iyən şəhr soxtə vəzir və Suriyə iğtisad vəzir həm Dəmeşğədə 2 qılə kişvəri ticarət palataon əhəmiyyəti barədə bə İron və Suriyə miyono iğtisadi həmkarion hevuj bey zərroriyat təkid kardə bıə bən.

Im vindemonədə Muhəmməd İslami elanış karde ki Tehron pidəşe Suriyə ədə əv bedonəkə fəaliyətonədə rə iştirok bıkə.

Suriyə iğtisad vəzir Muhəmməd Same Əlxəlil həm təkidış karde: İron və Suriyə miyono ticari mıbodiləon vey ziyod bıə və bəpe dəvom peydo bıkə.