İraği i minə vəzir: etiroz əkəyon ğanuni tələbon təğib bəkamon.

İraği i minə vəzir ımruj qıləy televeziya mesajədə bə milləti ğanuni etiroz həxi işorə və əmrış do İraği həmmə ostanonədə vəziyət normal və addi bıbu.

Bə Fars aqentiyəti raporti əsos, Adel Əbdul Məhdi cəmaəti tojə etıraz aksiyaon barədə qıləy ğanuni kamissiya icod kardeku xəbəş do və təkidış karde: İrağədə iğtisodi islahat bino bıə ta bo cıvononku icod bıbu iyən maliyə cəhəto zəifə ailəon rifoh təmin kəmon.

Əv votışe: tojə etıraz aksiyaonədə dəstqir bıə kəson sivoy əvoni ki cinoyət kardəşone rə ozod bəben.

İraği mıştəirk əməliyot ğərorqo rəis Yəhya Rəsol zinə elanış karde ki Bəğdad və co şəhronədə əmniyyətiyə vəziyət kamilən icod bıə.

Tojədən İraği bəzi şəhronədə etıraz aksiyaon İraği dıvlətədə maliyə fəsodkaropsiya iyən iğtisadiyati cəhəto bıhranon dəvom peydo karde xoto bərpo be ki kali xarıci kişvəron de sosiyal şəbəkəonədə bevəc və nadırıstə xəbəon muntəşir karde bə çəy şiddət əlovə kardışone.

İroni xarıci vəzarətxonə həm qıləy bəyaniyə vasitə elanış karde ki de İraği milət və dıvləti komək bə kişvəri şərayetiku deşmənon sue-istifodə karde icozə ni bədamon.