Amerkə və çəy mıttəfiğon İraği noəmn karde fikədən.

Beynəl xalğ baxşədə İroni islamiyə şura rəisi məslehətçi təkidış karde ki Amerkə və de Amerkə mıttəfiğ bıə kişvəron İraği milləti həğiği tələbonku sue-istifodə karde vasitə ım kişvəri noəmn karde pidəşone.

Bə İrib raporti əsos Husein Əmir Əbdullahiyan ıştə Twitter tojə mesajədə  nıvıştışe: Amerkə, sionist rejim və Ərəbiston de Bəesion və nıfozion koməki pidəşone İraği vıjniyə bıə dıvləti məhv karde vasitə mıdoxilə zəminə icod bıkon.

Əmir Əbdullahiyan əlovəş karde: İraği ısətnə bıhranon hələkə yeqanəro bə milləti iğtisod şərayeti diğğət karde iyən ım kişvəriku Amerkə hərbion rə xaric beye.

Qılə holədə ki İraği dıvlət islahaton barədə bə cəmaət vədəş doe əmmo İraği muxtəlif şəhron xusosi Bəğdadədə milləti iğtisodi etıraz aksiyaon dəvom kardedə.