İron və Ermənistoni miyono əloğəon.

İroni islamiyə şura parlamenti iğtisodi kamissiya rəis zinə de Ermənistoni səfir vindemon karde votışe: İron və Ermənistoni miyono əloğəon bəpe bə zərfiyəton əsos hevuj bıbu.

Elyas Həzrəti bə 2 qılə milləton miyono bıə tarixi və mədəni mıştərikə noğtəon işorə və əlovəş karde: 2 qılə kişvər dəvardə dıvranədə bə mıtəğabilə ehtıromi əsos həmişə 2 tərəfi əloğəon inkişof doeşone.

Əv bə 2 tərəfi muğaviləon işorəş karde və votışe: İroni parlament karde bəzne bə Avrasiya iğtisodi həmkarion əsos enerji sahədə əloğəon çərçivədə koməkəkə bıbu.

Tehronədə Ermənistoni səfir Artaşes Komaniyan həm ım vindemonədə İron və Ermənistoni miyono bıə siyasi əloğəon mısbət bə hisobış varde və votışe: İron məntəğədə bə həmohənq siyasəton əsos strateqiyaon bənav baredə və Erməniston həm məntəğədə stabiləti və oromtəti pidəşe.

Xəbə ome Rusiyə xarıci vəzir Serqey Lavrof həm ki bə Erməniston səfərış karde bə İrəvaniku Moskva həmmə tərəfinə himoyədorəti və bəy komək karde təkidış ka.

Əv de Ermənistoni muxtəlif rəsmi şəxson həm vindemonış be.