Yəməni Ənsarullah: bə sionist rejimi təcavuz reaksiya nışo bədamon.

Yəməni Ənsarullah siyasiyə ofisi uzv votışe: əqə sionist rejim bə Yəmən həmlə bıkə de Yəməni zumandə reaksiya dim bə dim bəbe.

Bə İrna raporti əsos Əlbəxiti bə sionist rejim iyən Amerkə mənafe çərçivədə Ərəbistoni bə Yəmən təcavuzi dəvom peydo karde işorə və təkidış karde: ım siyasət bo Ərəbistoniro hiç foydəş ni.

Əv təkid kardedə ki Ənsarullah karde bəzne bə sionist rejimi təcavuzi ciddi reaksiya nışo bıdə.

Yəməni Ənsarullah ğıvvon ım aliyə məsol şəxs təsdiğış karde: Yəmən karde bəzne bə Fələstin işğaliyə sərzəminon har vırə həmlə bıkə.

Sionist rejimi i minə vəzir tojədən Yəməni bənə təhdid hisob və ım kişvəri ıştə təhdid siyahiədə ğeydış kardedə ki bəpe dəy muğabilə bıbu.

Fələstini Həmas təşkilati siyasiyə ofisi uzv Məhmud Əlzəhar çı Benyamin Netanyahu ım təhdidi ərəbi kişvəron de sionist rejim əloğəon normalkarde nəticə bə hisobış varde.