Milləti həxə tələbon Livani tojə dıvləti fəaliyəton əsos bəbe.

Livani tojə i minə vəzir bə Livani milləti həxə tələbon işorə və təkidış karde: Livani behroni həl kardero bəpe siyasi ixtilafonku diyero bebəmon.

Hessan Diyab ki çımiku bənav Livanədə ali təhsil vəzir be pencşambə de 69 qılə sədo rəsmən Livani prezident intixab be.

Əv ijən təkidış karde ki çəy faxtədə ıştə kabineti elan bəkarde.

Tojədən prezident Mişel On həm Hesan Diyabiku himoyədorəti karde bəpeştə elanış karde ki Livani saxtə şərayeti jentonədə əmmo dıvləti kabinet hukmən təşkil bəbe.

Ğeyd kəmon ki Hesan Diyab çı Livani Hezbullah qrupi tərəfo himoyə bıdə be.

Livani Hezbullah təşkilati muavin, Şeyx Nəim Ğasım rəsmən ım intixabatiku ıştə rizoyət və mısbətə nəzə elanış karde.

Əmmo həmzəman siyasi və mədəni fəalon bə Amerkə siyasi heyəti bə Livan səfər karde etıraz karde xoto Beyrotədə aksiya bərpoşon karde; əvon Amerkə mıdoxiləkə siyasəton məhkum kardışone.

Livani Hezbullah təşkilat həm tojədən bə sionist rejim notaş do ki bə Livani qaz ehtiyaton və xəzinəon təcavuz kardeku bə kəno bemandon.