Ğəribobodi: İroni xalğ bə təhdidon ələyh vey mehkəm mandən
Pars Tudey-İroni xarici koon vəziri mıovini təkidış kardə:İroni xalğ ımruj ıştə tale ıştən mıəyyən kardedə və çı təzyiği jiyədə bə dumo pekıreydəni və bə təhdidon ələyh vey mehkəm mandən.
Pars Tudey bə İroni Tele-Rədyo Şirkəti istinodən doə məlumoti əsos,İroni Xarici Koon Vəzirəti huğuği və beynəlxalğə məsələon sahədə mıovin Kazım Ğəribobodi de 29 Mordadi peqordımoni sorəqardışi mınosibəti kiberməkonədə doə mesajədə nıvıştəşe:"29 Mordadi peqordımon çe AİŞ və Yolə Britaniya bə İroni xalği irodə və bəçəy tale təyin kardey huğuği bə isə bıə mıdoxilə be;nə pok bıənin və nə həm viro beşəninə qıləy torıx. Əy əlovəş kardə:Bə qıləy milləti tale ələyh xarici mıdoxilə,de har qıləy nomi,mıstəmləkəçəti və bə milləti suverenəti bıə ğəsde.Ğəribobodi votəşe:Nəslon dəvardedə,əmmo iqlə həyğət həm əvəz beydəni;ıştə tale ixtiyori bə əcnəbi dəspardə qıləy kişfər boçımi xoto qıləy bədəl bədoe."
