Səudiyə rejimi tərəfo Yəməni milləti həx-hğuği rioyət nıkarde dəvom kardedə.

Səudiyə rejim ki canq meydonədə xusosi hərbi sahədə har ruj Yəməniku zərbə harde holədəy, ijən muhasirə şərayeti qıvonin karde xoto 14 qılə nat, vəşımon və humanitarə koməkon kırnə Yəmənıjə kəştion mısodirəş karde.

Əlhodidə ostaniku həm xəbə ome ki ijən Ərəbistoni təcavuzkarə koalisiya de rəket bə ım ostani məskoniyə vırəon həmləşon karde; bə Əlməsirə kanali raporti əsos, həmləonədə ehtımaliyə zərər-xəsorətiku hələ hiç xəbə ni.

Əmmo Yəməni muğavimət qrupon həm beko nımandin və xəbə ome ki Yəməni ərtış və muğavimət qrupon muvəffəğbıən dəvardə 72 saəti mıddətədə çı Ərəbistoni 6-nə bepilotə təyyarəon osımonədə məhv kon.