Nəcəfədə şəhid Əbu Məhdi Əlmuhəndesi pikə bədən təşi be.

İraği Həşduş-şəəbi təşkilati muavin şəhid Əbu Məhdi Əlmuhəndesi cənazə və pokə bədən ımruj İraği Nəcəf Əşrəf, İmom Əli (ə) hərəmi kəno Vadi Əlsəlam ğəbıstonədə dəkandə be.

Şəhidi ailə və həmrəzmon ım mərasimədə anti İsrail şuaron vanq kardışone və bə Amerkəku intiğam qəte təkidışon karde.

Zinə həm İroni Abadanədə cəmaət qıləy əzəmətinə təşyie mərasimədə de şəhid Əbu Məhdi Əlmuhəndesi vidae kardışone və peşo pokə bədən İroni sərhəddiku bə İraği Bəsrə varid be.

Xəbəon Bəsrədə həm çı İraği milləti zinə ruji əzəmətinə iştiroki təsdiğ kardedə.

Bə İraği Həşduş-şəəbi təşkilati muavin Şəhid Əbu Məhdi Əlmuhəndesi ehtırom karde mərasim həm zinə İraği Bəğdadədə bıə i minə vəziri Sarayədə bərpo be.