İdlibədə behroninə vəziyət bəpe rə orom bıbu.

İroni xarıci vəzarətxonə bə Suriyə İdlibədə bıhroninə vəziyəti kontrol karde zərruriyati təkidış karde və bəyaniyədə bə Suriyə həssasə şərayeti manitorinq karde iyən çəy reqiyonal bevəcə təsiron işorəş karde.

İroni xarıci vəzarətxonə zinə ruji bəyaniyədə ğeyd bıə: İron bə həmonə Astanə prossesi əsos nəzəş heste ki ım metod karde bəzne de terrorizm mubarizə barədə çərçivədə iyən ğeyri hərbion coni oqəte xoto de siyasiyə roon ixtilafon həl kə.

Bəyaniyədə təsdiğ bıdə ki İron çı Astanə prossesi xərob karde xoto co kişvəron mıdoxiləon məhkum kardedəiyən Amerkə siyasəton ki fəğət məntəğədə bıhranon icod kardedə pidəşe Suriyə nati ğarət karde çərçivədə zınəydə.

İron ijən təkid kardedə ki İdlebədə bıhroninə şərayeti vey qəte xoto İron ijən deştə şərikon əloğəon bənav bardedə.

Tırkiyə bevəcə siyasəton ki de Amerkə təhrikon Suriyədə dəvom kardedə tojədən Rusiyə və Tırkiyə hərbi dim bə dim bey bois bıdə.

Suriyə pidəşe əmələn İdlebədə deştə zumandə əməliyaton terroriston hestemoni sə kə.