İrağədə Əli Şəmxani muzakirəon.

İroni milli əmniyyət şura sərkatib zinə de İraği prezident Bərhəm Saleh vindemonədə votışe: İraği millət bəştə mənafe və nəzə əsos ıştə dıvləti vıjneyədən və bə xarıcion mıdoxilə ehtiyocışon ni.

Bə İrib raporti əsos, Əli Şəmxani bə İraği millət və istiğlaliku İroni mudafiə işorəş karde və təkidış karde ki siyasi qrupon və məzhəbi partiyaon rə bə İraği iradə əsos bıə dıvləti təşkila bıdən.

İroni milli əmniyyət aliyə şura ijən de İraği dıvləti koon həmohənqəkə Adil Əbdulməhdi, milli əmniyyət mışovir Faleh Fəyyaz, İraği kəşfiyot təşkilati rəis Mustəfa Əlkazemi həmçınin çandə siyasi qrupon yolon əcumlə Nuri Əlmaleki, Heydər Əlebadi, Hadi Ameri və Seyed Əmmar Həkim vindemon iyən 2 tərəfi həmkarion barədə muzakirəş karde.

İrağədə İron islam respublika milli əmniyyət şura sərkatib ıştə qırd muzakirə votımonədə bə İraği milləti tələb və iradə əsos bıə qıləy zumandə dıvləti bə fayə rəse təkidış karde.