Yəməniku oxonə xəbəon.

Səudiyə rejimi təcavuzkarə koalisiya dəvardə saətonədə çand kərə Yəməni muxtəlif məntəğəonədə otəşbasti ləğv və bə ğeyri hərbion həmləş karde.

Im qılə holədəy ki bə rəse xəbəon əsos Səudiyə rejim Yəməni canqədə 233 milyard dollar be foydə pol xərcış  karde və moyəş noe.

Yəməni iğtisadi aliyə kamissiya yol həm tojədən elanış karde ki anti Yəmən iğtisadi canq və muhasirə əməliyot Amerkə tərəfo hidayət bıdə və Ərəbiston, İnqiltəra və İ Bıə Ərəb Əmirətion bəy komək kardedən.

Siyasi meydonədə həm xəbə ome ki qılə holədə ki Yəməni cənub muvəğğətə dıvləti şura ım məntəğəon beynəl xalğ təşkilaton tərəfo idarə beyku xəbə dodə əmmo bə İ Bıə Ərəbə Əmirətion vabəstə bıə qrupon məvuji Yəməni cənubədə muxtariy elan kardən.

İroni diplomatik fəaliyəton çərçivədə həm İroni xarıci vəzir Muhəmməd Cəvad Zərif de İ Bıə Milləton təşkilati rəis Antoniyo Qutriş telefoni sohbətədə təkidış karde ki bə Yəməni millət humanitarə koməkon vığande xoto bəpe Yəməni podşon iyən sərhəddon muhasirə şərayetiku ozod bıbun.