Koronavirusi reqiyonal təsiron barədə xəbəon.
Ğətər, İ Bıə Ərəbə Əmirətion, Kuveyt iyən Ərəbistonədə bə Koronavirusi mıbtəlo bey miğdor har ruj vey bıdə.
Xəbəon Ərəbistonədə bə 18 həzo nəfər nezi Koronavirusi qətey və mıbtəlo beyku hikayət kardedə Ərəbistoni turizm vəzarətxonə həm elanış karde ki Korona şərayeti nəticədə həm kişvərədə turizm sənayeku bər ome 45 faiz kam be.
Fələstin işğaliyə əraziədə həm detosə bə ısət 202 nəfər Koronavirusi nəticədə mardən və mıbtəlo bıə kəson miğdor vey bey holədəy.
Tırkiyədə həm Koronavirusi 2800 nəfəri conış qəte və mıbtəlo bıə kəson miğdor bə 110 həzo nəfər rəseydə.
Hindıstan, Malaziya və Pakistanədə həm Koronavirus ijən cəmaəti noxəş kardedə; Fəğət Hindıstanədə detosə bə ısət 824 nəfər Koronavirusi nəticədə mardən.
Hindıstani i minə vəzir ım kişvərədə Koronavirusi rəvoc peydo karde bıhraninə vəziyəti xoto qarantiya vəziyəti dəvom peydo karde pidəşe.
