Səudiyə rejim Yəmənədə canqi sə karde pidəş ni.

Yəməni inğilob aliyə kamissiya rəis təkidış karde ki Ərəbiston pidəş ni Yəmənədə muhasirə, sanksiya və təhrim sə bıbu.

Bə Spotnik  raporti əsos Muhəmməd Əli Əlhosi votışe: meydonədə təklifon fəğət zahirədəy və əmələn İ Bıə Milləton Təşkilati tələbon əks Səudiyə koalisiya cinoyəton dəvom kardedə.

Tojədən xəbə ome ki otəş basti iddeo əks Səudiyə rejim ijən həvo və zəminiku bə Yəmən həmləş karde: hətto həccə ostanədə həm Ərəbistoni hərbi qəmion bə ğeyri hərbion tərəf qullə və rəket ğandedən.

Fəğət dəvardə haftə mıddətədə 121 kərə bə Yəməni muxtəlif məntəğəon təcavuzış karde.

Bə Yəmənədə bıə İ Bıə Milləton Təşkilati idarə raporti əsos ımsornə sori i minə  3 manqədə 195 nəfər ğeyri hərbi təcavuzkaron cinoyətonədə kıştə bıən.