Sionist rejimi tojə işğal siyasəti barədə muxalifəton.

Fələstin muxtar təşkilati rəis votışe ki əqə Yardaniya ru şərği məntəğəon bə işğaliyə ərazi əlovə bıbu Fələstin de Amerkə və Fələstin de sionist rejimi miyono bıə həmmə muğavilə və sazişon ləğv bəbe.

Məhmud Əbbas təkidış karde ki Fələstin millət ijən çı İsrail rejimi işğal və cinoyəti ğəbul kardedə ni.

Həmas təşkilati sıxənəvot Hazım Ğasım həm sionist rejimi işğal siyasətiku Amerkə himoyəon məhkumış karde və əvış qıləy behəyo ko iyən bə Fələstin milləti həx0huğuği təcavuc karde nımunə zınəş be.

Telavivədə Amerkə səfir Deyvid Feridmən tojədən elanış karde ki əqə Yardaniyaru şərğ məntəğəon bə işğali ərazion əlovə bıbu Amerkə karde bəznerə uzvon rəsmi bezəno.

Fələstini fəth təşkilati sıxənəvot həm sionist rejim və Amerkə mıştərik xəbisə plani bə Fələstin milləti həx təcavuz karde bə hisobış varde ki nakonə muğaviləon poymol kardedə.

Xəbəon jıqo hikayət kardedə ki Amerkə və İsrail rejimon təbliği əks hətto sioniston həm Yardaniyaru şərği məntəğəon bə işğali ərazion əlovə karde pidə nin.

Zinə Ğəzzə muhasirə ləğvəkə kamissiya rəis Cəmal Əlxəzəri elanış karde ki Koronavirusi bıhrani sayədə Amerkə və sionist rejim bəştə işğal siyasəton idomə kardən.