İrağədə İŞİD terroristiyə qrupi xərabkaranə hərəkəton dəvom kardedə.

İrağiku xəbə ome ki DAEŞ terroristiyə qrupi uzvon zinə Diyalə ostani şimolədə bə Diyalə ostani Əlməytə nomo bıə di həmlə kardışone.

Bə Əlməyadin kanali raporti əsos həminə həmlədə çı Həşduş-şəəbi muğavimət qrupi 4 qılə uzvon şəhid və 6 nəfər zəxmin bıən.

Bəğdadədə həm zinə bombatepmon terroristiyə həmlə 6 nəfəri kıştə və zəxmin bey bois bıə; Samiraədə həm DAEŞ terroristiyə qrup 4 nəfər qılə ailə uzvonış kıştə.

İrağədə DAEŞ-i tojə dıvrə cinoyəton de Amerkə himoyə və koməki əncom bey holədəy.

Tojədən İraği Əlsadeğon muğavimət qrupi siyasi hərəkati yol Ədnan Feyhan votışe: Amerkə pidəşe Əsaeb Əhlol həğ muğavimət qrupi fərmondə iyən Həşduş-şəəbi co siyasi və hərbi yolon terror bıkə.