Bə işğalçiyon əleyh muğavimət dəvom peydo bəkarde.

Həmas və Fəth muğavimət qrupon, ərəbi kişvəron və sionist rejimi miyono məşhur canqi sorəqardışədə elan kardışone ki tosə sionist rejimi xəbisə planon arəku barde, muğavimət dəvom peydo bəkay.

Ğeyd kəmon ki həmonə məşhurə canqədə Suriyə və İurdaniya vey baxşon de Fələstin sərzəmini bə i co sionist rejimi tərəfo işğal be.

Im bəyaniyədə işorə be: həmonə muğavimət ki Ğəzəku sionist rejimi ixrocış karde hukmən co məntəğəon həm muvəffəğ bəbe iyən de Fələstin milləti iradəon əsri muğavilə məğlub bənine.

Həmas və Fəth muğavimət qrupon ijən ərəbi milləton bə oğoəti iyən vəhdəti tərəf dəvət kardışone.

Əmmo Ğəzzə tanqəku xəbə ome ki Fələstin muğavimət qrupon bə sionist rejim i haftə mıhlət doeşone ta bə otəşbasti muğavilə əsos əməl kon.

Bə sionist rejim iyən Ğəzzədə bıə Fələstin muğavimət qrupon tojə təsdiğ bıə otəş bast muğavilə əsos, ğərol be ki bə Ğəzzə sakinon humanitarə koməkon be mane dəvom peydo bıkə ki məvuji sionist rejimım prossesədə problemoni icodış karde.