Bə Yəməni muxtəlif məntəğəon Ərəbistoni təcavuz və həmlə dəvom kardedə.

Səudiyə rejimi hərbi təyyarəon dəvardə saətonədə çand kərə bə Yəməni mərkəz Məerəb təcavuz kardeşone ım həmləonədə çandə məskoniyə vırəon vert və vılo bıə.

Yəməni Ərəb Əlhodidə ostanədə həm Səudiyə rejim çand kərə otəş basti ləğvış karde və de Artileriya bə muxtəlif məntəğəon həmləş karde ım həmləonədə Əlhodidə airport həm bombardemon bə.

Tojədən Yəməni inğilob aliyə kamissiya rəis bə ım kişvəri muhasirə arşte zərruriyati işorəş karde və votışe: Yəməni millət bəpe ıştə milli mənbəon vositə sulh iyən ozodəti jentonədə jimon kon.

Muhəmməd Əli Əlhosi təkidış karde ki Yəmənədə səhiyyə sistem de nat və Korona bıhrani vositə vılo bey holədəy.

Xəbə ome ki Yəməni istefo doe dıvlət iyən cənub muvəğğətə dıvləti miyono ixtilafon həm ziyod be.