İron Suriyəku ğeyri ğanuni iştirak kardə hərbiçion xaric bey tələbış karde.

İ bıə milləton təşkilatədə bıə İroni daimi numayəndə, anti Suriyə bıə i tərəfi sanksiyaon behəyoə ko bə hisobış varde iyən votışe: Dəməşği dıvləti nəzəku həmmə xarıci qıvvon ki beicozə Suriyədən bəpe ım kişvəri tərk kon.

İ bıə milləton təşkilatədə bıə İroni daim nəmayəndə Məcid Təxtrəvançi bə Suriyə vəziyəti barədə Astanə nomo bıə siyasi votemonon qarantiyaəkə kişvəron tojə iclosi nəticə iyən İron, Rusiyə və Tırkiyə prezidenton muştərək sadir bıə bəyaniyə işarə və təsdiğış karde: Astyanə sulh muzakiron qarantiyaəkə kişvəron çı Suriyə hakemiyyət, isteğlol, ibemon və ərazi təmamiyyəti barədə bəştə ehdəmonon takid kardən de harcurnə ğeyre ğanuni iyən ıştən bəsə bıə separatçiyəti muxalifin.

Miyonə şərğədə əmniyyət iyən Suriyə barədə Əmniyət Şura tojə iclosədə İroni daim nəmayəndə ıştə suhbəton dəvomədə votışe: Astanə sulh muzakirəon qarantiyaəkə kişvəron ıştə bəyaniyədə, Suriyədə bıə siyonist rejimi təcavuzon bə ım kişvəri hakimiyyət iyən ərazi təmamiyyəti beehteroməti karde iyən reqional bestabiləkə ko bə hisobış varde.

Təxtrəvançi bə Suriyə jişvəri həmmə xarıci hərbiçion tərk karde zəruriyyati təkid və əlovəş karde: Amerkə de Suriyə zəmini bəzi baxşon işğal karde itərəf nati ğarət kardedə və co tərəf de terrorizm mubarizə barde iddio və bəhonə əmələn terroristonku himoyədorəti karde holədəy.

İ bıə milləton təşkilatədə bıə İroni daim nəmayəndə və səfir, de canq Suriyə behroni həl karde rədd iyən təkiş karde: ım məsələ bəpe de ibıə milləton təşkilati rəhbərəti iyən de SUriyə milləti nəzədə bıə siyasi prossi vositə həl bıbu.