De İmom Rıza(ə)-i şəhodəti sorəqardışi mınosibəti təsliyət.

Imruj Hicri Ğəməri 1442-nə sori Səfə manqi 29, 2020-nə sori Oktiyabrə manqi 17, de dınyo şiəyon 8 minə imom, Həzrəte İmom Rıza(ə)-i şəhodəti sorəqardışi bərobəre.

Həzrəte İmom Rıza(ə) Hicri Ğəməri 148-nə sori Mədinə şəhrədə bə dınyo omə iyən Hicri Ğəməri 203-nə sori Səfə manqi oxonə ruji bə şəhodət rəse.

Həzrəte İmom Rıza(ə) jimon iyən imoməti əsr və dovran, milləti bə Əhle Beyt(ə)-i xandani tərəf cəzb bey xoto vey muhimmə zəmanə iyən bo şiyə İmomon vırə və təsiron hevujəti vey aliyə faxt be.

Həminə həğiğət iyən milləti dılədə İmom Rıza(ə) nıfuzi hevujəti, bois be ki Əbbasi Xəlifə Məmun de xəbisə plani Həzrəti zəhrin və şəhid ko.

İroni mısılmonə millət zinə şəv və ımruj huseyniyəon, məçidon xususi Məşhədədə(İroni şimol şərğ) bıə Əli-İbne-Musə(ə) və Ğom(Tehroni cənub) mığəddəsə şəhrədə bıə Həzrəte xanım Məsumə(s) pokə hərəmonədə de səhiyəvi porotokolon rioyəti əzodorəti kardən.

Ğeyd kəmon ki ponə sor bə 4 milyon nəfər nezi zair, şiəyon 8 minə imomi şəhodətə əyyamədə Həzrəte İmom Rıza(ə) pokə hərəmi ziyorət karde xoto bə məşhəd sıfır kardə bin ki de təəssufi bə Koronavurusi xoto ımsornə mərosimon veyni virtual və onlayn surəti bərpo bıdən.

Əlbətə zinə şəv İmom Rıza hərəmi xadimon de səhiyyəvi porotokolin rioyəti və de şam ruşin karde qələy məxsus mərosimi Rəzəvi hərəmədə bəpoşon karde, ım şanqo həm Həzrəzi şəhodəti şame ğəribon ijən xutbə hande mərosim hərəmi səhnonədə bərpo bəbe.

İroni Tolışi Rədio tərəfo çı şiəyon 8-nə İmom Həzrəte İmom Rıza(ə)-i şəhodətə ruji bə şımə Tolışon səbıəsəloməti ərz kardedəmon.