Yəmənədə bə şəhidon xuni bəfodorəti nomo bıə yolə aksiya.

Çand həzo nəfər Yəmənıj, zinə ım kişvəri şimol Səədə ostanədə iyən şəhid Ğasım Suleymani şəhodəti i minnə sorəqardışi xoto bə şəhidon xuni bəfodorəti nomo bıə yolə aksiya bərpoşon karde.

Bə İrna raporti əsos, cəmaət zinə sıbiku bə həminə yolə mərosimədə işterak karde xoto muxtəlif məntəğəonku bə Səədə omə bin.

Bə şəhidon xuni bəfodorəti numo bıə yolə aksiyaədə işterak əkəyon ki çəvon dastədə şəhid Ğasım Suleymani şikil be de anti istikbor şuaron vanq karde vositə Yəmənədə Səudiyə rejimi həmləon idomə məhkum kardışone.

Yəməni millət şəmbə ruji həm dıştə rəsmi şəxson bə ico Səna şəhrədə bıə bə şəhid Ğasım Suleymani ehtırom karde mərosimədə iştirok kardə bin.

İroni Sepahe Ğuds təşkilati nakonə fərmondə Qeneral mayor Ğasim Suleymani ki de İraği dıvləti rəsmi dəvət miladi 2020-ə sori Yanvari 3 bə ım kişvər səfərış kardə be, Bəğdad airporti ətrofədə de Amerkə terroris iyən təcavuzkorə ğıvvon həvo həmlə və de İraği Həşdu-Şəəbi muğavimət təşkilati muavin Əbuməhi-Əl-Muhəndis iyən co 8 nəfər muğavimət rəzməndəon bə ico şəhid be.