Yəmənədə canqi bə oxo rosniyey barədə Baydeni iddio.

Yəmənədə canqi bə oxo rosniye barədə Amerkə prezident Co Baydeni iddio bəpeşt İroni səfir votışe ki əmə bə çəvon sıxanon bədbinimon.

Bə İrna raporti əsos, Yəmənədə bıə İroni səfir Həsən İrlu votışe: Hukmən Yəmənədə Amerkə tojə prezidenti siyosət bənə nakonə dıvləti ni bəlkəm əvon pidəşone Yəmənədə ıştə sərostə hərbi-siyasi işteraki icbor kon, jəğo ki İrağ iyən Suriyədə muşahidə bıdə.

Əv izhorış karde: bəpe bə Xıdo və Yəməni milləti umidəvo bıbəmon ki de torixi səbr və muğaviməti ıştə oxonə səbarzəti çəş kardən.

tojədən Amerkə milli əmniyət mişovir Yəmənədə Amerkə tojə dıvləti siyasəton elanış karde.

Cək Salivan votışe ki Co Bayden pidəşe Yəmənədə canqi sə kardeyro Ərəbistoniku himoyədorəti kardeku dast bıkəşi.

In iddio de Yəməni vey rəsmi şəxson xususi muğavimət qrupon bədbinəti dim bə dim bıə.