İroni məhkəmə sistemi rəis bə İrağ səfərış kardə.

De İroni məhkəmə sistemi yolon və rəsmi şəxson bə ico ım təşkilaati rəis seyd İbrahim Rəisi bə Bəğdad varid be.

Bə İRİB raporti əsos, İroni məhkəmə sistemi rəis seyd İbrahim Rəisi de İraği məhkəmə təşkilati yol Faiğ Zidani rəsmi dəvətii bə Bəğdad səfərış karde.

Məhkəmə iyən huğuği baxşonədə Çand qılə həmkari muğavilə imzo karde əcumlə ım səfəri hədəfonku elan bıə.

Səfəri kənoədə həm de İraği məhkəmə, prokororəti iyən bəşər həxon kamissiya çandə həmkari muğaviləon imzo bəbe.

İraği məhkəmə təşkilati yol Faiğ Zidani  ki dəvardə sor bə Tehron səfərış kardə be, İroni məhkəmə sistemi rəis seyd İbrahim Rəisi bə İrağ ome dəvətış kardə be.

Əv tojədən həm ıştə telefoni muzakironədə ijən ıştə dəvəti tikrorış karde ki de İroni məhkəmə sistemi rəis seyd İbrahim Rəisi roziyəti və ğəbul karde dim bə dim be.