Tırkiyə ijən bə Suriyə hərbi təchizotış vığandə.

Tırkiyə ərtışi tojə kərvon bə Suriyə şimol İdleb ostani varid be.

Bə Fars aqentiyəti raporti əsos, Tırkiyə ərtışi ın kərvonədə 15 qılə zerehinə kamaz hərbi təchizoton bo Suriyə şimolədə Ankara ğeyri ğanuni bazaon təchiz kardero bardedən ta Suriyədə terroristonku himoyədorəti zəminə hozzı bıbu.

Suriyədə bıə terroriston veyni bə Tırkiyə himoyəon umidəvon və əmələdə həm Tırkiyə çəvon peştədəy.

Tırkiyə ərtış tojə manqonədə vey kərə ıştə həminə himoyəon komil kardeyro bə Suriyə ğanuni dıvləti vırəon həmləş kardə.

Isət Suriyə şimol məntəğonku bəzi baxşon çı tırkiyə tərəfo işğol bıə iyən dəvardə 3 sori mıddətədə Ankara ərtış vey kərə bə suriyə zəmin təcavuzış karde ki ım be ğanunə hərbi əməliyoton sıvoy Suriyə de beynəlxalğ məhkumiyəti dim bə dim bıə.