Yəmənədə muğavimət qrupon səbarzəti çı Səudiyə rejimi heyrəti bois bıə.

Beynəl xalğ koonədə bıə İroni islami şura rəisi məxsus məsləhətçi təkidış karde ki ımruj və 6 sor çı Amerkə-Səudiyə rejimon mıştərək təcavuzi bəpeşt Yəməni muğavimət qrupon səbarzəti Səudiyə hakimon kamilən qic kardəşe.

Bə İrib raporti əsos, Beynəl xalğ koonədə bıə İroni islami şura rəisi məxsus məsləhətçi Huseyn Əmirəbdullahiyan ıştə Tuvitter səhifədə nıvışteşe: 6 sor  çı Amerkə-Səudiyə rejimon mıştərək təcavuzi vədə Yəməni muğavimətiku dəvarde.

Əmirəbdullahiyan ğıydış karde ki: Ərəbistoni nakonə xarıci vəzir Adil-Əl-Cubəyr iddioş be ki 15 ruji mıddətədə Yəməni Hosion qırd məhv bəkamon.

Beynəl xalğ koonədə bıə İroni islami şura rəisi məxsus məsləhətçi ıştə mesaji dəvomədə təkidış karde ki canq bənə hələkə roy ni və fəğət de siysi şivəonb ım behron həl bəbe.

Huseyn Əmirəbdullahiyan ijən votışe ki ımruj çı Yəməni muğavıməti səbarzəti bois bıə ki Səudiyə rejimi hakimon qırd qic bıbun.