Yəmənədə otəş basti barədə Amerkə iddio.

İroni məhkəmə təşkilati bəşər həxon şobə rəis bə Yəmənədə otəşbastiku Amerkə himoyədorəti iddio reaksiya nışoş do.

Bə İrna raporti əsos, Əli Bağıri Kəni ıştə Tuvitter mesajədə ğıydış karde ki Amerkə əqə pidəşe nışo bıdə ki otəş bastiku himoyədorəti fəğət Yəməniku cinoyətkorə cəllodi xilos karde xoto ni bəpe bə Səudiyə təcavuzi jintonədə bıə ğıbon bıə kəson ozod surəti icozə bıdə ki xorək, dəvo-damon iyən tib təchizotonku istifodə kon ta bepənoh və məzlumə Yəmənıjə hırdənon iyən jen-merdon çimi sə əlovə xorək iyən damoni nırəseyku nımardon.

Ğeyd kardənine ki Səydiyə rejimi bə Yəmən təcavuzi bevəcə nəticəon kənoədə çand faxt bəbe ki Koronavirusi behron həm vey bə Yəməni millət fişar təziğonış vardə, boçi ki de Ərəbıstoni təcavuzkarə koalisiya bombardımonon, ısət Yəməni tib və damon xidmət ərosnə mərkəzon tam xərobə be.

Bə beynəlxalğ təşkilaton elani əsos, muhasirə vəziyəti kənoədə Səudiyə rejimi təcavuz ki de Amerkə koməki əncom bıdə bə Yəməni millət humanitar koməkon rosniye vədə mane bıə.